Brandon Ingram

Si Brandon Xavier Ingram (natawo niadtong Septyembre 2, 1997) usa ka Amerikanong propesyonal nga usa ka magduduwa sa basketball alang sa Toronto Raptors sa National Basketball Association (NBA). Napili siya sa Los Angeles Lakers nga ikaduha nga overall pick sa 2016 NBA draft, ug gibantugan sa NBA All-Rookie Second Team . Gibarter siya ngadto sa New Orleans Pelicans ug nahimong unang higayon nga NBA All-Star ug ginganlan nga NBA Most Improved Player kaniadtong 2020 atol sa iyang unang season uban sa Pelicans.

Si Ingram adunay malampusong karera sa hayskul sa North Carolina, diin nakadaog siya og mga titulo sa estado sa matag upat ka tuig niya nga pagduwa, ug gibantugan nga Mr. Basketball sa North Carolina . Nagduwa siya og usa ka season sa college basketball para sa Duke Blue Devils, diin siya ginganlan nga Atlantic Coast Conference Rookie of the Year . Pagkahuman sa season, naka desisyon si Ingram nga dili na lang mopadayon sa iyang pag-eskwela sa kolehiyo ug mideklarar na lang nga moapil sa NBA draft. Nagduwa siya og tulo ka season uban sa Lakers sa wala pa siya gi-trade sa New Orleans niadtong 2019 isip kabarter tali ni All-Star Anthony Davis .