صفحۂ اول

آزاد دائرۃ المعارف جس میں کوئی بھی ترمیم کر سکتا ہے

اسرائیل پاکستان تعلقات

اسرائیل	پاکستان

اسرائیل پاکستان تعلقات ان دو طرفہ تعلقات کو کہا جاتا ہے جو اسلامی جمہوریۂ پاکستان اور یہودی مملکت اسرائیل کے درمیان میں رہے ہیں۔ یہ تعلقات غیر تسلیم شدگی سے لے کر سوویت افغان جنگ کے دوران میں قریبی تال میل تک ہر دور میں بدلتے رہے۔ ان دونوں مملکتوں کا قیام نظریاتی قرار دادوں پر مبنی رہا ہے (دیکھیے دو قومی نظریہ اور یہودیوں کا وطن) اور دونوں ہی ریاستیں برطانوی سلطنت سے آزاد ہو کر وجود میں آئی تھیں۔ درحقیقت پاکستان اور اسرائیل کے مابین حکومتی سطح پر باضابطہ تعلقات کبھی قائم نہیں ہوئے اور تاحال یہی صورت حال بنی ہوئی ہے۔ پاکستانی اہلکاروں کا کہنا ہے کہ اگر اسرائیل عرب ریاستوں سے کچھ معاہدے کر لے تو وہ اسرائیل سے علانیہ سفارتی تعلقات قائم کریں گے۔ اس کے برعکس پاکستان کے اسرائیل مخالف تنظیم آزادی فلسطین سے قریبی تعلقات ہیں، مثلاً پہلے انتفاضہ کے موقع پر پاکستان کی جانب سے فلسطینی مزاحمت کاروں کے لیے رسد رسانی اور طبی امداد کا بندوبست کیا گیا تھا۔ نیز متعدد موقعوں پر بین الاقوامی سطح پر پاکستان کا اسرائیل کے خلاف جارحانہ رویہ اپنانے کی بنا پر ریاست ہائے متحدہ امریکا سے کشیدگی بھی پیدا ہوئی ہے۔ جب پاکستان کی جوہری صلاحیتوں کا افشا ہوا تو اسرائیل کو ہمیشہ ان جوہری صلاحیتوں سے خدشہ رہا۔ پاکستان میں بہت سے حلقوں کا خیال ہے کہ اسرائیل نے ان کی جوہری تنصیبات پر حملہ کرنے کا منصوبہ بنایا تھا لیکن حکومت اسرائیل کی کچھ کلیدی شخصیتوں نے اس کی مخالفت کی جس کی بنا پر یہ حملہ نہیں ہو سکا۔

آج: جمعہ، 29 مئی 2026 عیسوی بمطابق 12 ذوالحجہ 1447 ہجری (م ع و)

واقعات

• 1453ء -قسطنطنیہ کا زوال: سلطان محمد ثانی کے ماتحت عثمانی فوجوں نے 53 دن کے محاصرے کے بعد قسطنطنیہ پر قبضہ کیا، 2,000 سال سے زائد عرصے کے بعد رومی سلطنت کا خاتمہ کیا۔
• 1953ء - نیوزی لینڈ کے ایڈمنڈ ہلیری اور شیرپا ٹینزنگ نورگے ماؤنٹ ایورسٹ کی چوٹی پر پہنچنے والے پہلے لوگ بن گئے۔
• 1988ء - صدر پاکستان جنرل ضیاء الحق نے محمد خان جونیجو کو وزارت عظمی سے برطرف کر دیا اور پارلیمان کو توڑ دیا ملک میں مارشل لا نافذ کر دیا۔

ولادت

• 1868ء - عبد المجید ثانی، سلطنت عثمانیہ کے آخری خلیفہ
• 1917ء - جان ایف کینیڈی، ریاستہائے متحدہ امریکا کے پینتیسویں صدر
• 1938ء - شکیل کمال، پاکستانی ٹیلی ویژن اداکار
• 1940ء - فاروق احمد خان لغاری، پاکستان کے آٹھویں صدر

وفات

• 1035ء - ابن السمح، الاندلس سے ریاضی دان اور ماہر فلکیات
• 1972ء - پرتھوی راج کپور، بھارتی اداکار
• 1987ء - چرن سنگھ، بھارت کے پانچویں وزیر اعظم
• 2022ء - سدھو موسے والا (تصویر میں)، بھارتی گلوکار اور اداکار

→ پچھلا دن – اگلا دن ←
مئی کے منتخب واقعات – مزید ایام۔۔۔